Kurapati Vijay Kumarపవిత్ర బాప్టిజంపై చర్చి ఎదుర్కొంటున్న దాడులు
పరిచయం
ఆచరణాత్మకంగా క్రైస్తవ మతంలో ఎవరూ బాప్టిజంను “వ్యతిరేకిస్తున్నట్లు” ఒప్పుకోరు. ఈ ఆచారాన్ని విరమించుకున్న క్వేకర్లు మరియు సాల్వేషన్ ఆర్మీ కూడా బాప్టిజంను అంతగా వ్యతిరేకించరు ఎందుకంటే వారు దానిని నిర్లక్ష్యం చేస్తారు. వాస్తవానికి, వేలాది సంవత్సరాల వివాదాల ద్వారా చర్చి ఎందుకు బాప్టిజం ఇస్తుంది, చర్చి ఎలా బాప్టిజం ఇస్తుంది మరియు చర్చి ఎవరికి బాప్టిజం ఇస్తుంది అనే దానికి రుజువుగా ఉనికిలో ఉన్న లక్షలాది పుస్తకాలు ఆదిమ సంఘ కాలం నుండి క్రైస్తవులు ఆ ఆచారం గురించి ఎంత ఉద్రేకపడుతున్నారో చెప్పకనే చెప్తున్నాయి.
ఈ కారణంగా, నేడు కొందరు ఈ అధ్యయనం యొక్క విలువను, సముచితతను కూడా ప్రశ్నించొచ్చు. పవిత్ర బాప్టిజంపై దాడులను వివరించడానికి, బాప్టిజం పై ప్రతిపాదించబడిన కొన్ని సిద్ధాంతాలను తెలుసుకొందాం. ఒప్పుకోలు లూథరన్ క్రైస్తవులుగా, మనం నమ్మే సానుకూల సత్యాలను ఒప్పుకోవడమే కాకుండా, మనం తిరస్కరించే అబద్ధాలను కూడా బహిర్గతం చేధ్ధాం. అలా చేయడం ద్వారా మనం కేవలం ప్రతికూలంగా ఉండటం లేదు. మనం మన విశ్వాస ఒప్పుకోలును పదునుపెడుతున్నాం మరియు స్పష్టం చేస్తున్నాం. తప్పుడు వివరణ మరియు అపార్థానికి తలుపులు మూసివేస్తున్నాం. ముఖ్యంగా సువార్త సత్యం ప్రబలంగా ఉండేలా అబద్ధం అజ్ఞానం ఓడిపోయేలా నిర్ధారించుకుంటున్నాం.
బాప్టిజం అనేది అందరికీ ఉద్దేశించిన ప్రాణాన్ని ఇచ్చే, విశ్వాసాన్ని అందించే కృప సాధనం అనే లేఖనాధార అవగాహనను మనం ఎక్కడ నుండి సమర్థించుకోవాలి? శతాబ్దాలుగా ఇతర వేదాంతవేత్తల వివాదాస్పద రచనలు చాలావరకు బాప్టిజం యొక్క సరైన విధానం (మనం అభ్యర్థిపై నీటిని ఎలా అన్వయించాలి?) మరియు బాప్టిజం యొక్క సరైన లక్ష్యాలు (మనం ఎవరిని బాప్టిజం పొందనివ్వాలి?) చుట్టూ తిరుగుతున్నాయి.
