క్రైస్తవుల రహస్య పునరుత్థానం ఉంటుందని గాని లేదా భూమిపై సజీవంగా ఉన్న క్రైస్తవులు అంత్యదినానికి ముందు ఈ లోకం నుండి పరలోకానికి ఎత్తబడతారని గాని (తరలించబడతారని) బైబులు బోధించటం లేదు. ఎత్తబడుటను విశ్వసించే వాళ్ళు తాము చెప్పేదానికి సపోర్ట్ గా 1థెస్సలొనీకయులు 4:13-18 ని చూపిస్తారు, అయితే, బైబిల్‌లోని ఆ విభాగం చివరి రోజున ఏమి జరుగుతుందో వివరిస్తుంది తప్ప ఎత్తబడుటను గురించి తెలియ జేయటం లేదు.

1 థెస్సలొనీకయులు 4:13-18 చదువుకొందాం, సహోదరులారా, నిరీక్షణలేని యితరులవలె మీరు దుఃఖపడకుండు నిమిత్తము, నిద్రించుచున్న వారిని గూర్చి మీకు తెలియకుండుట మాకిష్టములేదు. యేసు మృతి పొంది తిరిగి లేచెనని మనము నమ్మినయెడల, అదే ప్రకారము యేసునందు నిద్రించిన వారిని దేవుడాయనతో కూడ వెంటబెట్టుకొని వచ్చును. మేము ప్రభువు మాటనుబట్టి మీతో చెప్పునదేమనగా, ప్రభువు రాకడ వరకు సజీవులమై నిలిచియుండు మనము నిద్రించిన వారికంటె ముందుగా ఆయన సన్నిధి చేరము. ఆర్భాటముతోను, ప్రధానదూత శబ్దముతోను, దేవుని బూరతోను పరలోకమునుండి ప్రభువు దిగివచ్చును; క్రీస్తునందుండి మృతులైనవారు మొదట లేతురు. ఆ మీదట సజీవులమై నిలిచియుండు మనము వారితో కూడ ఏకముగా ప్రభువును ఎదుర్కొనుటకు ఆకాశమండలమునకు మేఘములమీద కొనిపోబడుదుము. కాగా మనము సదాకాలము ప్రభువుతో కూడ ఉందుము. కాబట్టి మీరు ఈ మాటలచేత ఒకనినొకడు ఆదరించుకొనుడి.

చివరి రోజున, యేసు ఈ ప్రపంచానికి ప్రత్యక్షంగా తిరిగి వస్తాడని, చనిపోయినవారిని లేపుతాడని ఆయన తిరిగి వచ్చినప్పుడు భూమిపై ఇంకా జీవించి ఉన్న క్రైస్తవులను తన వద్దకు సమీకరించుకుంటాడని బైబులు బోధిస్తూ వుంది. ప్రభువును ఎదుర్కొనుటకు ఆకాశమండలమునకు మేఘములమీద కొనిపోబడుదుము (1 థెస్సలొనీక యులు 4:17) అనేది అంత్య దినాన్న జరగబోయే దానిని గురించి తెలియజేస్తూవుందే తప్ప అంత్యదినానికి ముందు జరిగే విషయాన్ని గురించి ఇది తెలియజేయటం లేదు. అంత్య దినాన్న జరిగే సంఘటనల నుండి ఈ సంఘటనను తీసివేయడానికి స్క్రిప్చర్ యొక్క ఈ భాగంలో ఆ  సందర్భం ఏమీ లేదు.

చివరి రోజు గురించి బైబిల్ ఏమి చెప్తుంది అనే దాని గురించి మరిన్ని విషయాలను తెలుసుకొందాం:

యేసు తిరిగి రావడం మరియు తీర్పు:

మరణం నుండి లేచి తండ్రి కుడిపార్శ్వానికి అధిరోహించిన నిజదేవుడు నిజమానవుడు అయిన యేసు మళ్లీ వస్తాడని బైబులు చెప్తూ ఉంది. గలిలయ మనుష్యులారా, మీరెందుకు నిలిచి ఆకాశమువైపు చూచుచున్నారు? మీయొద్దనుండి పరలోకమునకు చేర్చుకొన బడిన యీ యేసే, ఏ రీతిగా పరలోకమునకు వెళ్లుట మీరు చూచితిరో ఆ రీతిగానే ఆయన తిరిగి వచ్చునని వారితో చెప్పిరి, అపొస్తలుల కార్యములు 1:11).

యేసు తిరిగి వచ్చే సమయాన్ని ఎవరూ ఖచ్చితంగా తెలుసుకోలేరని బైబులు చెప్తూ ఉంది.  ఈ జ్ఞానం పరలోకంలోని దేవదూతలకు కూడా లేదు. అయితే ఆ దినమునుగూర్చియు ఆ గడియనుగూర్చియు తండ్రి మాత్రమే (యెరుగును) గాని, యే మనుష్యుడైనను పరలోకమందలి దూతలైనను కుమారుడైనను ఎరుగరు, మత్తయి 24:36).

ఆ దినమునుగూర్చియు ఆ గడియనుగూర్చియు తండ్రి తప్ప ఏ మనుష్యుడైనను, పరలోకమందలి దూత లైనను, కుమారుడైనను ఎరుగరు (36; మార్కు 13:32). యేసు ఇలా ఎలా చెప్పగలిగాడు? యేసుకు తాను వచ్చే ఖచ్చితమైన రోజు మరియు గంట తెలియదని మీరు అనుకుంటున్నారా? యేసు సర్వజ్ఞుడు, తీర్పు గంట మరియు రోజు తనకు తెలియదని ఆయన ఎలా చెప్పగలిగాడు? కొంతసేపు, తండ్రి మీ కుడి చేతి వైపున ఉన్నాడని అనుకోండి మరోవైపు ప్రజలు, దేవదూతలు మరియు కుమారుడు ఉన్నారని అనుకోండి. కుమారుడు తన మానవ స్వభావం కారణంగా తనను తాను జీవులతో ఒక వర్గంలో ఉంచుకున్నాడు. మునుపటి వచనంలో, యేసు తన దైవత్వాన్ని (35) నొక్కి చెప్పాడు, ఇప్పుడు ఇక్కడ యేసు తన మానవత్వాన్ని నొక్కి చెప్తున్నాడు. గుర్తుంచుకోండి, యేసు తన భూసంబంధమైన పరిచర్యలో తన సర్వశక్తిని, సర్వాంతర్యామి తత్వాన్ని మరియు సర్వజ్ఞానాన్ని పక్కన పెట్టియున్నాడు. మానవుడిగా యేసు తనను తాను తండ్రి కంటే తక్కువ స్థాయికి తగ్గించుకున్నాడు. క్రీస్తు మన కోసం దానిని చేసాడు. ఆయన దానిని ఎలా చేసాడు అనేది మన బలహీనమైన అవగాహనకు ఒక రహస్యంగానే ఉంది. మనం దీనిని అర్థం చేసుకోలేము.

దానియేలు 12:11 ప్రకారం అది (ఆ రోజు) బహిర్గతపర్చబడి ఉంది మరి యేసుకు రాకడ దినం పూర్తిగా తెలియకుండా ఎలా ఉంది, అది దేవదూతలకు మరియు ప్రజలకు నేటి వరకు రహస్యం.

ప్రభువు యొక్క ఖచ్చితమైన దినం మరియు గడియను యేసు ఎందుకు చెప్పడం లేదు? అది ఎప్పుడు జరుగుతుందో తెలుసుకోవడానికి ప్రయత్నించే బదులు, సిద్ధంగా ఉండమని యేసు మనల్ని కోరుతున్నాడు. 1. క్రైస్తవులందరూ ఆయనను స్వాగతించడానికి సిద్ధంగా ఉండాలి. 2. ఇతరులు నిజమైన దేవుని అంతిమ వాస్తవికతను ఎదుర్కోవడానికి సిద్ధంగా ఉండాలి. అది ఎందుకని రహస్యం? ఆయన తిరిగి వచ్చే ఖచ్చితమైన క్షణం గురించి ఊహాగానాలు చేయడం కంటే సంసిద్ధతతో కూడిన జీవితాన్ని గడపడంపై దృష్టి పెట్టడం ఎంతో మేలు చేస్తుంది. ఖచ్చితమైన తేదీని తెలుసుకోవడం తప్పనిసరిగా మన విశ్వాసాన్ని బలోపేతం చేయదు సరికదా అది మన చర్యలను కూడా ఏమాత్రం మార్చదు, అందుకే ప్రజలు తన రాకడకు నిరంతరం సిద్ధంగా ఉండాలని, నీతిగా జీవించాలని యేసు ప్రోత్సహిస్తున్నాడు.

పేతురు యేసు మాటలను తన చెవులతో విన్నాడు, మరియు యేసు మాటలు అతనిపై శాశ్వత ముద్ర వేసి ఉండాలి. పేతురు తన సొంత మాటలలో ఆ అంత్యదినాన్ని వర్ణించిన తీరును విందాం, 2 పేతురు 3:6–13 చదువుకుందాం: ఆ నీళ్ల వలన అప్పుడున్న లోకము నీటివరదలో మునిగి నశించెను. అయితే ఇప్పుడున్న ఆకాశమును భూమియు భక్తిహీనుల తీర్పును నాశనమును జరుగు దినము వరకు అగ్నికొరకు నిలువచేయ బడినవై, అదే వాక్యము వలన భద్రము చేయబడియున్నవి. ప్రియులారా, ఒక సంగతి మరచిపోకుడి. ఏమనగా ప్రభువు దృష్టికి ఒక దినము వెయ్యి సంవత్సరముల వలెను, వెయ్యి సంవత్సరములు ఒక దినము వలెను ఉన్నవి. కొందరు ఆలస్యమని యెంచుకొనునట్లు ప్రభువు తన వాగ్దానమును గూర్చి ఆలస్యము చేయువాడు కాడు గాని యెవడును నశింపవలెనని యిచ్ఛయింపక, అందరు మారుమనస్సు పొందవలెనని కోరుచు, మీ యెడల దీర్ఘశాంతము గలవాడై యున్నాడు. అయితే ప్రభువు దినము దొంగవచ్చినట్లు వచ్చును. ఆ దినమున ఆకాశములు మహాధ్వనితో గతించి పోవును, పంచభూతములు మిక్కటమైన వేండ్రముతో లయమైపోవును, భూమియు దానిమీదనున్న కృత్యములును కాలిపోవును. ఇవన్నియు ఇట్లు లయమై పోవునవి గనుక, ఆకాశములు రవులుకొని లయమైపోవునట్టియు, పంచభూతములు మహావేండ్రముతో కరిగిపోవునట్టియు, దేవుని దినపు రాకడ కొరకు కనిపెట్టుచు, దానిని ఆశతో అపేక్షించుచు, మీరు పరిశుద్ధమైన ప్రవర్తనతోను భక్తితోను ఎంతో జాగ్రత్తగలవారై యుండవలెను. అయినను మనమాయన వాగ్దానమునుబట్టి క్రొత్త ఆకాశముల కొరకును క్రొత్త భూమికొరకును కనిపెట్టుచున్నాము; వాటియందు నీతి నివసించును.

ఆయన ఎందుకు వస్తున్నాడు? చరిత్ర రెండు యుగాలుగా విభజించబడింది – 1. ప్రస్తుత, దుష్ట యుగం, సాతాను, దయ్యాలచే చెడిపోయింది. అట్లే విగ్రహారాధన, పాపం, అన్యాయం, దోపిడీ, అనారోగ్యం, ప్రకృతి మరియు మానవాళి మధ్య శత్రుత్వం, హింస మరియు మరణం ద్వారా చెడిపోయింది. దేవుడు ప్రస్తుత దుష్ట యుగాన్ని త్వరలోనే కొత్త యుగంతో భర్తీ చేయబోతు ఉన్నాడు. 2. ఆ క్రొత్తయుగములో ఉండేందుకు దేవుడు మానవ స్వేచ్ఛా సంకల్పానికి విలువ ఇస్తూ ఆయన ఎవరినీ తన వైపు తన బిడ్డగా ఉండమని బలవంతం చేయటం లేదు. కృపా వాహనాల ద్వారా వెల్లడి చేయబడుతున్న ఆయన వాక్యాన్ని మనం ఆలకించాలి. నిజమైన దేవుడిని తెలుసుకోవాలి మరియు ఆయనను క్షమించుమని వేడుకోవాలి. ప్రజలు తమ పాపాలను క్షమించమని యేసును అడిగినట్లు దేవుడు చూడాలనుకుంటున్నాడు. క్రీస్తుచే క్షమించబడియున్నామనే నిశ్చయతతో, పరివర్తన చెందిన జీవితాలతో ఆ క్రొత్త యుగములోనికి ప్రవేశించడానికి ఆహ్వానించడానికి ఆయన వస్తూ ఉన్నాడు. వెళ్లేందుకు మనం ఆయన రాకడకు సిద్ధంగా ఉండాలని ఆయన మనల్ని ప్రోత్సహిస్తున్నాడు.

క్రైస్తవ చర్చి ప్రారంభం నుండి, క్రీస్తు తీర్పుకు వచ్చే ఖచ్చితమైన తేదీని అంచనా వేయడం ఒక అలవాటుగా చేసుకున్నవారు, యేసుని రాకడలో లోకపు పరిస్థితి ఏ విధముగా ఉంటుంది? అనేది గమనిస్తూ జాగ్రత్తపడ వలసి యున్నారు.

యేసు తన రాకడ యొక్క ఖచ్చితమైన సమయాన్ని ఇవ్వడానికి బదులుగా, ఆ సమయంలో జీవిస్తూ ఉండే మానవాళి స్థితిని వివరిస్తూ దీనిని జలప్రళయానికి ముందు నోవహు దినాలతో పోల్చాడు (ఆదికాండము 6:11-13). నోవహు కాలములో విపత్తు వస్తుందని ప్రజలకు ముందుగానే హెచ్చరించబడింది. ఓడ నిర్మాణం హెచ్చరికను నొక్కి చెప్పింది. అయినప్పటికీ ప్రజలు తమ నిర్లక్ష్య జీవన విధానాన్ని కొనసాగించారు. వారి జీవితం తినడం, త్రాగడం, పెళ్లి చేసుకోవడం మరియు ఇవ్వడం అనే సాధారణ విషయాల చుట్టూ కేంద్రీకృతమై ఉండేది. జలప్రళయానికి ముందు రోజుల్లో, ప్రజలు నిర్లక్ష్యంగా జీవించారు. ప్రభువు తీర్పు సమయం దగ్గర పడుతుండగా, ప్రజలు విందులు మరియు సుఖాలను కోరుకోవడంలో బిజీగా గడిపారు. వివాహం యొక్క పవిత్రతను అర్థం చేసుకోవడానికి బదులుగా, ప్రజలు తమ కోరికలను తీర్చుకోవడంలో మాత్రమే శ్రద్ధ వహించారు. వివాహ ప్రమాణం యొక్క పవిత్రత చెత్త కుప్పగా మార్చబడింది.

లూకా 21:34, మీ హృదయములు ఒకవేళ తిండివలనను మత్తువలనను ఐహిక విచారముల వలనను మందముగా ఉన్నందున (ప్రస్తావించబడిన వస్తువుల భారాన్ని బట్టి) ఆ దినము అకస్మాత్తుగా మీ మీదికి ఉరివచ్చినట్టు (ఉచ్చులాగా) రాకుండ మీ విషయమై మీరు జాగ్రత్తగా ఉండుడి, అని చెప్తూ ఉంది. తమను అణచివేస్తున్న శక్తులను ఎదిరించలేకపోతున్నామని మరియు వారి ఇష్టపూర్వక సాధనాలుగా మారలేమని ప్రజల హృదయాలు అతిగా బాధపడటం ద్వారా బరువు తగ్గినట్లు భావించబడతాయి. ఇది భౌతిక సూత్రాల ప్రమాదం, కాబట్టే మత్తయి 6:25లో, అందువలన నేను మీతో చెప్పునదేమనగా–ఏమి తిందుమో యేమి త్రాగు దుమో అని మీ ప్రాణమును గూర్చియైనను, ఏమి ధరించుకొందుమో అని మీ దేహమునుగూర్చియైనను చింతింపకుడి అని చెప్తూ ఉంది.

దాని ఉనికిలో, తీర్పు అకస్మాత్తుగా మరియు ఊహించనిది, అయినప్పటికీ వారికి “సాధారణ” సూచనలు ప్రకటించబడ్డాయి కానీ “ఖచ్చితమైన సమయం” దేవుడు తెలియజేయలేదు. వారిపై వస్తున్న ప్రభువు తీర్పు గురించి వారు పట్టించుకోలేదు. దేవుడు వారిపై తన కోపాన్ని కుమ్మరించే ముందు ప్రజలను హెచ్చరించాడు. దేవుడు వారికి 120 సంవత్సరాల కృపను ఇచ్చాడు. నోవహు ఆ కాలపు ప్రజలకు రాబోయే దాని గురించి ప్రకటించాడు (హెబ్రీయులు 11:7). వారు నోవహును నమ్మలేదు మరియు వారి దుష్టత్వం మరియు విగ్రహారాధనతో సంతృప్తి చెందారు. వారి హృదయాలు కఠినంగా ఉన్నాయి మరియు వారి చెవులు మొద్దుబారి పోయాయి. ఎవరూ పశ్చాత్తాపపడలేదు మరియు ఎవరూ దేవుణ్ణి వెతకడానికి పట్టించుకోలేదు. వారు ఆయన హెచ్చరికను విస్మరించారు మరియు ఆయన తీర్పు వచ్చినప్పుడు ఆశ్చర్యపోయారు. అందుకే, మన దృక్కోణం నుండి, అంత్యదినము దొంగలా వస్తుంది.

తన రాకడకు ముందు ప్రపంచం దాదాపు అలాగే ఉంటుందని యేసు చెప్తున్నాడు. ఆయన మనల్ని “సిద్ధంగా ఉండండి, ఎందుకంటే మీరు ఊహించని గడియలో మనుష్యకుమారుడు వస్తాడు” అని హెచ్చరిస్తూ ఉన్నాడు. 2 తిమోతి 3:1–4 యేసు రాకడకు ముందు ప్రపంచ స్థితిని గురించి మనకు స్పష్టమైన చిత్రాన్ని ఇస్తూ నోవహు కాలంలోని ప్రపంచాన్ని కూడా వివరిస్తూ ఉంది: “అంత్యదినములలో అపాయకరమైన కాలములు వచ్చునని తెలిసికొనుము. ఏలాగనగా మనుష్యులు స్వార్థ ప్రియులు ధనాపేక్షులు బింకములాడు వారు అహంకారులు దూషకులు తల్లిదండ్రులకు అవిధేయులు కృతజ్ఞత లేనివారు అపవిత్రులు అనురాగ రహితులు అతి ద్వేషులు అపవాదకులు అజితేంద్రియులు క్రూరులు సజ్జనద్వేషులు ద్రోహులు మూర్ఖులు గర్వాంధులు దేవునికంటె సుఖానుభవము నెక్కువగా ప్రేమించువారు.” నోవహు కాలంలో ప్రపంచం ఎలా ఉందో అర్థం చేసుకోవడానికి ఈ వచనము మరింత స్పష్టంగా సహాయపడుతూ ఉంది.

ఊహించని రాకడకు సిద్ధంగా ఉండమని యేసు తన శిష్యులను ఎలా హెచ్చరించాడు? మత్తయి 24:40-44, ఆ కాలమున ఇద్దరు పొలములో ఉందురు, ఒకడు తీసి కొనిపోబడును ఒకడు విడిచి పెట్టబడును. ఇద్దరు స్త్రీలు తిరుగలి విసరుచుందురు, ఒకతె తీసికొని పోబడును, ఒకతె విడిచిపెట్టబడును. కావున ఏ దినమున మీ ప్రభువు వచ్చునో మీకు తెలియదు గనుక మెలకువగా నుండుడి. ఏ జామున దొంగవచ్చునో యింటి యజమానునికి తెలిసియుండినయెడల అతడు మెలకువగా ఉండి తన యింటికి కన్నము వేయనియ్యడని మీరెరుగుదురు. మీరనుకొనని గడియలో మనుష్యకుమారుడు వచ్చును గనుకనే మీరును సిద్ధముగా ఉండుడి.

“నిర్దోషితో, విశ్వాసితో బాహ్యంగా సంబంధం కలిగి ఉన్నప్పటికీ, దోషి తప్పించుకోలేడని యేసు చెప్తున్నాడు. ఒకరు విశ్వాసిగా అంగీకరించబడతారు, మరొకరు అవిశ్వాసిగా తిరస్కరించబడతారు. ప్రభువును స్వీకరించడానికి, సిద్ధపడటానికి సమయం ఉండదు. వారు ఉన్నట్లే తీసుకోబడతారు. ప్రభువును తెలిసిన వారు ప్రభువుచే స్వీకరించబడతారు. చాలామంది ఈ ఉదాహరణలను తప్పుగా అర్థం చేసుకున్నారు. ఇది “ఎత్తబడటం” గురించి మాట్లాడటం లేదు లేదా ప్రీమిలీనియలిజాన్ని ప్రోత్సహించడం లేదు. నోవహు కాలంలో, ఎవరు తీసుకెళ్లబడ్డారు? జలప్రళయంలో కొట్టుకుపోయిన దుష్టులు. భూమిపై ఎవరు మిగిలిపోయారు? నోవహు మరియు అతని కుటుంబం.

ఈ వాక్యభాగం ఎత్తబడటం గురించి భోదిస్తూ ఉంటే, దేవుడు మనల్ని ఎందుకు తీసుకెళ్లాలి? కాబట్టి: ఖచ్చితమైన సమయం తెలియదు కాబట్టి విశ్వాసం అవసరం, మెలకువగా ఉండండి, జాగ్రత్తగా చూసుకోండి, ఒక్క రోజు, గంట లేదా క్షణం కూడా మీ అప్రమత్తతను సడలించకండి. రాత్రి దొంగలాగా ఆయన పగలు వస్తోంది.

మత్తయి 24:43వ వచనం, ఇది యేసుక్రీస్తు తిరిగి రావడానికి అప్రమత్తంగా ఉండటం మరియు సిద్ధంగా ఉండటం యొక్క ప్రాముఖ్యతను వివరించడానికి ఇంటి యజమాని మరియు దొంగ యొక్క రూపకాన్ని ఉపయోగిస్తూ ఉంది: ఇంటి యజమాని రాత్రి ఏ సమయంలో దొంగ వస్తాడో తెలుసుకుంటే, అతడు జాగ్రత్తగా ఉంటాడు మరియు తన ఇంట్లోకి దొంగని చొరబడనివ్వడు. క్రీస్తు తిరిగి రావడం ఊహించలేనిది కాబట్టి, విశ్వాసులు నిరంతరం సిద్ధంగా ఉండాలని ఈ వచనం వక్కాణిస్తూ ఉంది. రోజువారీ పరధ్యానాలు మరియు జీవిత పరీక్షల మధ్య కూడా విశ్వాసులు అప్రమత్తంగా మరియు సిద్ధంగా ఉండాలని ఈ వచనం తెలియజేస్తూ ఉంది. చివరి రోజులలోని విశ్వాసులు ఎటువంటి అవకాశాన్ని తీసుకోలేరు. క్రీస్తు అనుచరుల నుండి నిరంతర అప్రమత్తత అవసరం, దీనిలో వారు పరిస్థితి యొక్క తీవ్రతను ప్రతి నిమిషం తెలుసుకుంటారు: మనుష్యకుమారుడు వస్తున్నాడు, తన హెచ్చరికను పట్టించుకోని అవిశ్వాసుల మీద కఠినమైన మరియు నిష్కళంకమైన న్యాయమూర్తిగా, తన రాకడ కోసం ఎల్లప్పుడూ సిద్ధంగా ఉన్న విశ్వాసులపై కనికరముగల మరియు దయగల న్యాయమూర్తిగా వస్తున్నాడు. ఈ వచనం యేసు తిరిగి రావడాన్ని రాత్రిపూట ఒక దొంగతో పోలుస్తూ ఉంది, ఆయన ఒక ఇంటిని ఆశ్చర్యానికి గురిచేస్తాడు. దొంగ అడ్వాంటేజ్ ఏమిటంటే, ఒక నిర్దిష్ట సమయంలో అతన్ని ఎప్పుడూ ఊహించలేరు. నేరస్థుడు ఎప్పుడు వస్తాడో ఇంటి యజమానికి ఖచ్చితంగా తెలిస్తే, అతను సిద్ధంగా ఉండటానికి అప్పటి వరకు వేచి ఉండవచ్చు. ఇంటి యజమానికి సమయం తెలియనందున, అతడు రాత్రిపూట అన్ని సమయాల్లో మేల్కొని ఉండాలి.

ఆయన రాకడను తెలుపు కొన్ని సూచనలను కూడా ఆయన తన విశ్వాసులకు తెలియజేసియున్నాడు, (యేసు వారితో ఇట్లనెను ఎవడును మిమ్మును మోసపరచకుండ చూచుకొనుడి. అనేకులు నా పేరట వచ్చి–నేనే క్రీస్తునని చెప్పి పలువురిని మోసపరచెదరు. మరియు మీరు యుద్ధములను గూర్చియు యుద్ధ సమాచారములను గూర్చియు వినబోదురు; మీరు కలవరపడ కుండ చూచుకొనుడి. ఇవి జరుగవలసియున్నవి గాని అంతము వెంటనే రాదు. జనముమీదికి జనమును రాజ్యముమీదికి రాజ్యమును లేచును. అక్కడక్కడ కరవులును భూకంపములును కలుగును; ఇవన్నియు వేదనలకు ప్రారంభము. అప్పుడు జనులు మిమ్మును శ్రమల పాలుచేసి చంపెదరు; మీరు నా నామము నిమిత్తము సకల జనములచేత ద్వేషింపబడుదురు. అనేకులు అభ్యంతరపడి, యొకనినొకడు అప్పగించి యొకనినొకడు ద్వేషింతురు. అనేకులైన అబద్ధ ప్రవక్తలు వచ్చి పలువురిని మోసపరచెదరు; అక్రమము విస్తరించుటచేత అనేకుల ప్రేమ చల్లారును. అంతమువరకు సహించినవాడెవడో వాడే రక్షింపబడును. మరియు ఈ రాజ్య సువార్త సకల జనములకు సాక్ష్యార్థమై లోకమందంతటను ప్రకటింప బడును; అటుతరువాత అంతము వచ్చును మత్తయి 24:4-14). ఆ రోజు అకస్మాత్తుగా వారిపైకి రాకుండా విశ్వాసులందరు అప్రమత్తంగా ఉండాలని మెలకువగా ఉండాలని ఆయన వారిని హెచ్చరించాడు. కాబట్టి మీరు జరుగబోవు వీటినెల్లను తప్పించుకొని, మనుష్యకుమారుని యెదుట నిలువబడుటకు శక్తిగల వారగునట్లు ఎల్లప్పుడును ప్రార్థనచేయుచు మెలకువగా ఉండుడని చెప్పెను, లూకా 21:34).  

యేసు తిరిగి వచ్చినప్పుడు ఈ ప్రస్తుత ప్రపంచం అంతం అవుతుందని బైబులు చెప్తూవుంది. (అయితే ప్రభువు దినము దొంగవచ్చినట్లు వచ్చును. ఆ దినమున ఆకాశములు మహాధ్వనితో గతించి పోవును, పంచభూతములు మిక్కటమైన వేండ్రముతో లయమైపోవును, భూమియు దానిమీదనున్న కృత్యములును కాలిపోవును. ఇవన్నియు ఇట్లు లయమై పోవునవి గనుక, ఆకాశములు రవులుకొని లయమైపోవునట్టియు, పంచభూతములు మహావేండ్రముతో కరిగిపోవునట్టియు, దేవుని దినపు రాకడకొరకు కనిపెట్టుచు, దానిని ఆశతో అపేక్షించుచు, మీరు పరిశుద్ధమైన ప్రవర్తనతోను భక్తితోను ఎంతో జాగ్రత్తగలవారై యుండవలెను. అయినను మనమాయన వాగ్దానమునుబట్టి క్రొత్త ఆకాశములకొరకును క్రొత్త భూమికొరకును కనిపెట్టు చున్నాము; వాటియందు నీతి నివసించును, 2 పేతురు 3:10-13).

యేసు తిరిగి వచ్చినప్పుడు భూమి అంతటా ఆయన స్వరం వినిపించినప్పుడు, చనిపోయిన వారందరూ లేస్తారు, వారి ఆత్మలు వారి శరీరాలతో తిరిగి కలపబడతాయని బైబులు చెప్తూవుంది, (దీనికి ఆశ్చర్యపడకుడి; ఒక కాలమువచ్చుచున్నది; ఆ కాలమున సమాధులలో నున్నవారందరు ఆయన శబ్దము విని మేలు చేసిన వారు జీవ పునరుత్థానమునకును కీడు చేసిన వారు తీర్పు పునరుత్థానమునకును బయటికి వచ్చెదరు, యోహాను 5:28,29). ఇంకా జీవించివున్న వారితో కలిసి, పునరుత్థానం చేయబడిన వారు ఆయన తీర్పులో నిలబడతారు. అవిశ్వాసులు నరకంలో నిత్యత్వానికి శిక్ష విధించ బడతారు. విశ్వాసం ద్వారా క్రీస్తు రక్తంలో శుద్ధి చేయబడిన వారు మహిమపరచ బడతారు మరియు పరలోకంలో దేవుని ఆశీర్వాద సన్నిధిలో యేసుతో పాటు శాశ్వతంగా జీవిస్తారు, (సమస్తమును తనకు లోపరచుకొనజాలిన శక్తినిబట్టి ఆయన మన దీనశరీరమును తన మహిమగల శరీరమునకు సమ రూపము గలదానిగా మార్చును, ఫిలిప్పీయులు 3:21).

క్రీస్తు వెయ్యేండ్ల పాలన అనే బోధను నేను తిరస్కరిస్తూవున్నాను. ఈ బోధకు (మిలియనియమ్) గ్రంధ ఆధారం ఏమి లేదు. ఈ బోధ క్రైస్తవులు తమ భూసంబంధమైన క్రీస్తు రాజ్యంపై ఆశలు పెట్టుకునేలా తప్పుగా దారితీస్తుంది, యేసు–నా రాజ్యము ఈ లోకసంబంధమైనది కాదు; నా రాజ్యము ఈ లోకసంబంధమైనదైతే నేను యూదులకు అప్పగింపబడకుండునట్లు నా సేవకులు పోరాడుదురు గాని నా రాజ్యము ఇహ సంబంధమైనది కాదనెను, యోహాను 18:36. తీర్పు దినానికి ముందు క్రైస్తవులు భూమి నుండి భౌతికంగా తీసివేయబడతారు లేదా పైకి ఎత్తబడతారు అనే వాదన లేఖన విరుద్ధము. అలాగే చివరి రోజుల్లో యూదులందరూ మతమార్పిడి చేయబడతారని చెప్పడం  కూడా లేఖన విరుద్ధము.

అంత్య కాలంలో ఇంకా అంత్య క్రీస్తు వస్తాడనే బోధ తప్పు. లేఖనాలలో చెప్పబడిన ఈ విరోధి యొక్క లక్షణాలు పాపసీలో ఇప్పుడు నెరవేరుతున్నాయి. ఏది దేవుడనబడునో, ఏది పూజింపబడునో, దానినంతటిని ఎదిరించుచు, దానికంతటికి పైగా వాడు తన్ను తానే హెచ్చించుకొనుచు, తాను దేవుడనని తన్ను కనుపరచుకొనుచు, దేవుని ఆలయములో కూర్చుండును గనుక ఏవిధముగానైనను ఎవడును మిమ్మును మోసపరచ నియ్యకుడి. నేనింకను మీయొద్ద ఉన్నప్పుడు ఈ సంగతులను మీతో చెప్పినది మీకు జ్ఞాపకములేదా? కాగా వాడు తన సొంతకాలమందు బయలుపరచబడవలెనని వానిని అడ్డగించునది ఏదో అది మీరెరుగుదురు. ధర్మవిరోధ సంబంధమైన మర్మము ఇప్పటికే క్రియ చేయుచున్నది గాని, యిదివరకు అడ్డగించుచున్నవాడు మధ్యనుండి తీసి వేయబడు వరకే అడ్డగించును. అప్పుడా ధర్మవిరోధి బయలుపరచబడును. ప్రభువైన యేసు తన నోటి యూపిరి చేత వానిని సంహరించి తన ఆగమన ప్రకాశముచేత నాశనము చేయును. నశించుచున్నవారు తాము రక్షింపబడుటకై సత్యవిషయమైన ప్రేమను అవలంబింపక పోయిరి గనుక, వారి రాక అబద్ధ విషయమైన సమస్త బలముతోను, నానావిధములైన సూచకక్రియలతోను, మహత్కార్యములతోను దుర్నీతిని పుట్టించు సమస్త మోసముతోను, నశించుచున్న వారిలో సాతాను కనుపరచు బలమును అనుసరించియుండును, 2 థెస్సలొనీకయులు 2:4-10.

కొందరు శారీరక పునరుత్థానం లేదని చెప్తూ ఉన్నారు, వారి భోదన తప్పు. మరికొందరు నరకం యొక్క వాస్తవికతను మరియు శాశ్వతత్వం యొక్క వాస్తవికతను త్రోసిపుచ్చుతూ ఉన్నారు, వారి వాదనలు కూడా తప్పే. (మనుష్యులొక్కసారే మృతిపొందవలెనని నియమింపబడెను; ఆ తరువాత తీర్పు జరుగును, హెబ్రీయులు 9:27) అను ఈ లేఖనాన్ని బట్టి మరణించిన వ్యక్తుల ఆత్మలు ఇతర శరీరాలలో (పునర్జన్మ) భూమికి తిరిగి వస్తాయనే బోధను కూడా నేను తిరస్కరిస్తూవున్నాను.

యేసు తిరిగి రావడం ,తీర్పు గురించి బైబులు బోధించేది ఇదే. ఈ విషయాలను నేను నమ్ముతున్నాను, బోధిస్తాను మరియు ఒప్పుకుంటున్నాను.

దేవుని వాక్యాన్ని దాని స్వచ్చతలో భవిషత్ తరాలకు అందించాలనే ఉద్దేశ్యములో దానిని వ్యాఖ్యాన రూపములో భద్రపర్చాలనే ఈ చిన్న ప్రయత్నంలో భాగస్వాములు కండి. ఇది ఎంతో శ్రమతో ఖర్చుతో కూడుకొన్నది కాబట్టి ప్రోత్సహించండి, చేయూతనివ్వండి, దేవుడు మిమ్మును దీవించును గాక. – రెవ. కూరపాటి విజయ్ కుమార్.

KURAPATI VIJAY KUMAR,
HDFC BANK, Account no 50200096563465,
IFSC code. HDFC0005872,
Swift code HDFCINBB,
JKC College Road Branch, GUNTUR 522006,
ANDHRA PRADESH, INDIA.
The phone pay UPI Id : 9848365150-2@ybl