పరలోకములో ఆత్మలు భూమిపై ఏమి జరుగుతుందో చూడగలరా?

ఒకడు మరణించిన క్షణం నుండి అంత్యదినము మధ్యన పరలోకములో లేదా నరకములో వుండే ఆత్మలు భూమిపై ఏమి జరుగుతుందో చూస్తూవుంటారనే విషయాన్ని గురించి బైబిల్ ఎక్కువ సమాచారాన్ని వెల్లడించడం లేదు. ఒకడు చనిపోయినప్పుడు, వాని శరీరం మరియు ఆత్మ ఒకదానినుండి మరోకొకటి విడిపోతాయని బైబిల్ చెప్తుంది, ప్రసంగి 12:7 మన్నయినది వెనుకటివలెనే మరల భూమికి చేరును, ఆత్మ దాని దయచేసిన దేవుని యొద్దకు మరల పోవును. ఒకడు యేసుక్రీస్తుపై విశ్వాసం లేదా అవిశ్వాసం ఆధారంగా పరలోకపు మహిమలను అనుభవిస్తూ ఉంటాడు లేదా నరకం యొక్క భయానకతను అనుభవిస్తూ ఉంటాడు, మార్కు 16:16 నమ్మి బాప్తిస్మము పొందినవాడు రక్షింపబడును; నమ్మని వానికి శిక్ష విధింపబడును.

బైబిల్ పరలోకాన్ని సంపూర్ణ సంతోషము గల ప్రదేశమని వర్ణిస్తూ (కీర్తన 16:11 నీ సన్నిధిని సంపూర్ణ సంతోషము కలదు; ప్రకటన 21:4 ఆయన వారి కన్నుల ప్రతి బాష్పబిందువును తుడిచివేయును, మరణము ఇక ఉండదు, దుఃఖమైనను ఏడ్పైనను వేదనయైనను ఇక ఉండదు, మొదటి సంగతులు గతించిపోయెనని) ఉంది. పరలోకంలో పరిపూర్ణ సంతోషములో ఉంటూ భూమిపై జరుగుతూ ఉన్న పాపభరితమైన వాటిని చూడగలిగితే, ఆ పరిపూర్ణ సంతోషాన్ని ఎలా పొందగలరు? ఈ ప్రశ్నకు మద్దతుగా కొందరు, కీర్తన 88:10-12 వంటి భాగాలను సూచిస్తారు, (మృతులకు నీవు అద్భుతములు చూపెదవా? ప్రేతలు లేచి నిన్ను స్తుతించెదరా? సమాధిలో నీ కృపను ఎవరైన వివరింతురా? నాశనకూపములో నీ విశ్వాస్యతను ఎవరైన చెప్పుకొందురా? అంధకారములో నీ అద్భుతములు తెలియనగునా? పాతాళములో నీ నీతి తెలియనగునా? ప్రసంగి 9:10, చేయుటకు నీ చేతికి వచ్చిన యే పనినైనను నీ శక్తి లోపము లేకుండ చేయుము; నీవు పోవు పాతాళమునందు పనియైనను ఉపాయమైనను తెలివియైనను జ్ఞానమైనను లేదు. భూమిపై ఏమి జరుగుతుందో ఆత్మలకు తెలియదని చెప్తారు.

పరలోకంలో ఉన్న ఆత్మలు తమ రక్షకుడైన దేవునితో ఉంటారు. ఫిలిప్పీయులకు 1:23 ఈ రెంటిమధ్యను ఇరుకునబడి యున్నాను. నేను వెడలిపోయి క్రీస్తుతోకూడ నుండవలెనని నాకు ఆశయున్నది, అది నాకు మరి మేలు. వారు ఆయనను ఎప్పటికీ ముఖాముఖిగా చూస్తూవుంటారు, అది క్రైస్తవులు ఆసక్తిగా ఎదురుచూసే విషయం!

ధనవంతుడు మరియు లాజరు కథ (లూకా 16:19-31). మరణం తర్వాత ఆత్మ స్థితి గురించిన చర్చ నుండి ఈ లేఖన భాగాన్ని కొందరు తరచుగా తోసిపుచ్చుతారు, ఎందుకంటే ఇది ఒక ఉపమానం అని వాళ్ళు వాదిస్తారు. కాని ఇది ఒక ఉపమానం అని సూచించడానికి లేఖనంలో ఎక్కడా ఏమీ లేదు. ఖచ్చితంగా ఈ భాగం అలా చెప్పడం లేదు. మనం ఒక ఉపమానాన్ని ఆధ్యాత్మిక సత్యాన్ని బోధించడానికి ఉపయోగించే మానవ భూసంబంధమైన జీవితం నుండి తీసుకున్న కథగా నిర్వచించినట్లయితే, మనం సాధారణంగా ఉపమానంగా వర్గీకరించే ప్రతి కథ, ఈ ఒక్కటి తప్ప, నిర్వచనానికి సరిపోతుంది. ఇక్కడ భూసంబంధమైన, శారీరక జీవితానికి మరియు ఆధ్యాత్మిక విషయాలకు మధ్య ఎటువంటి పోలిక లేదు. ఇది వాస్తవ చారిత్రక సంఘటన లాగా ఉంది.

ధనవంతుడు మరియు లాజరు కథ తదుపరి ప్రపంచంలోని వాస్తవ పరిస్థితుల గురించి మనకు అంతర్దృష్టిని ఇస్తుందని మనం చెప్పొచ్చు. మనుష్యులు చనిపోయినప్పుడు, వారు పరలోకానికి లేదా నరకానికి వెళతారు. లాజరు చనిపోయి స్వర్గానికి వెళ్ళాడు, అక్కడ అతను అబ్రహం రొమ్మున ఆశ్రయం పొందాడు, ధనవంతుడు చనిపోయి నరకానికి వెళ్ళాడు, అతడు కూడా అక్కడే ఉన్నాడు.

ధనవంతుడు తన సోదరుల గురించి మాట్లాడాడని మనం చనిపోయినప్పుడు వదిలిపెట్టిన వారిని మనం ఖచ్చితంగా గుర్తుంచుకొంటామని చెప్పబడింది.

ధనవంతుడు తన నాలుకను తన శరీరంతో పాలస్తీనాలో పాతిపెట్టినప్పుడు, అతని ఆత్మ మాత్రమే నరకంలో ఉన్నప్పుడు, తన నాలుక కోసం ఒక చుక్క నీటిని అతడు ఎలా కోరుకోగలడని ఎవరైనా అడిగితే, మనకు ఏమి చెప్పాలో తెలియకపోవచ్చు, కాని చాలా విషయాలు జరుగుతాయని మనం గుర్తుంచుకోవాలి —వాటిని మనం పూర్తిగా వివరించలేము. కాని మనకు తెలిసినంతవరకు, ఆత్మ అలాంటి వాటిని అనుభవించడం సాధ్యమే.

చిన్న ప్రశ్న, నరకంలో ఉన్న మన వారిని మనం వారి బాధను మనం చూడగలిగితే? మత్తయి 10:28, ఆత్మను దేహమును కూడ నరకములో నశింపజేయగల వానికి ఎక్కువగా భయపడండి. దినములు చెడ్డవి గనుక, మీరు సమయమును పోనియ్యక సద్వినియోగము చేసికొనుచు, అజ్ఞానులవలె కాక, జ్ఞానులవలె నడుచుకొనునట్లు జాగ్రత్తగా చూచుకొనుడి. ఇందు నిమిత్తము మీరు అవివేకులు కాక ప్రభువు యొక్క చిత్తమేమిటో గ్రహించుకొనుడి, ఎఫెసీయులకు 5:15-17. జ్ఞానహృదయము కలుగునట్లుగా ప్రార్ధించుడి. మీ దినములు లెక్కించుటకు నేర్చుకొనుడి, కీర్తనలు 90:12. మనుష్యులకందరికి రక్షకుడునైన యేసు నందు విశ్వముంచి రక్షింపబడుడి. మీ కుటుంబాలను కూడా దేవుని కృపలో రక్షణకు నడపండి.

ఎందుకంటే, మన భూసంబంధమైన జీవితాలు, కొంతసేపు కనబడి అంతలో మాయమైపోవు ఆవిరి వంటిది” (యాకోబు 4:14). మన భూసంబంధమైన నివాసం చాలా స్వల్పకాలికం. మరణం మన తలుపు తట్టినప్పుడు, యేసుక్రీస్తుతో మనకున్న సంబంధం ముఖ్యమైనది: “ఒక మనుష్యుడు లోకమంతయు సంపాదించుకొని తన ప్రాణమును పోగొట్టుకొంటే అతనికేమి ప్రయోజనము?” (మత్తయి 16:26; మార్కు 8:36). నిత్యజీవం క్రీస్తులో మాత్రమే కనిపిస్తుంది. “దేవుడు మనకు నిత్య జీవమును దయచేసెను; ఈ జీవము ఆయన కుమారునియందున్నది. దేవుని కుమారుని అంగీకరించువాడు జీవముగలవాడు; దేవుని కుమారుని అంగీకరింపని వాడు జీవములేని వాడే“, 1 యోహాను 5:11-12. నిజం ఏమిటంటే, ఇక్కడ యేసుకు దూరంగా జీవించాలనుకుని, అవిశ్వాసం అనే రైలు ఎక్కితే, మిమ్మల్ని అది నరకమనే గమ్యస్థానానికి తీసుకువెళ్తుందని గుర్తుంచుకోండి. అక్కడనుండి తప్పించుకొనే అవకాశాలేమి ఉండవు. అది వన్ వే టికెట్.

దేవుని వాక్యాన్ని దాని స్వచ్చతలో భవిషత్ తరాలకు అందించాలనే ఉద్దేశ్యములో దానిని వ్యాఖ్యాన రూపములో భద్రపర్చాలనే ఈ చిన్న ప్రయత్నంలో భాగస్వాములు కండి. ఇది ఎంతో శ్రమతో ఖర్చుతో కూడుకొన్నది కాబట్టి ప్రోత్సహించండి, చేయూతనివ్వండి, దేవుడు మిమ్మును దీవించును గాక. – రెవ. కూరపాటి విజయ్ కుమార్. ఫోన్ పే యూపీఐ ఐడి – 9848365150-2@ybl

KURAPATI VIJAY KUMAR,
HDFC BANK, Account no 50200096563465,
IFSC code. HDFC0005872,
Swift code HDFCINBB,
JKC College Road Branch, GUNTUR 522006,
ANDHRA PRADESH, INDIA.
The phone pay UPI Id : 9848365150-2@ybl