దేవుడు ఉన్నాడా? ఎలా చెప్పగలం?

దేవుడు ఉన్నాడా? ఎలా చెప్పగలం?

అసలు దేవుడు ఉన్నాడా? ఉంటే ఆయన ఎవరు? ఆయనను గురించి మనం ఎలా తెలుసుకోగలం? ఆయన ఉనికికి ఏమైనా సాక్ష్యాలు ఉన్నాయా? ఇవి మానవ చరిత్రలో ఎప్పటి నుంచో అడుగబడుతున్న ప్రశ్నలు.

కొంతసేపు మతాలు, సంప్రదాయాలు, కుటుంబ విశ్వాసాలు అన్నిటినీ పక్కన పెట్టండి. వ్యక్తిగతంగా మీరు ఎందుకు దేవుడు ఉన్నాడని నమ్ముతున్నారు? లేదా ఎందుకు నమ్మడం లేదు? మీ నమ్మకానికి ఆధారం ఏమిటి? ఈ ప్రశ్నలను నిజాయితీగా పరిశీలించడం అవసరం.

మనిషిగా ప్రతి ఒక్కరం కొన్ని ప్రాథమిక ప్రశ్నలకు సమాధానం వెదకాల్సి ఉంటుంది,

ఈ విశ్వాన్ని ఎవరు సృష్టించారు?
మనం ఇక్కడ ఈ భూమిపై ఎందుకని ఉన్నాం?
పుట్టిన ప్రతి ఒక్కరు ఎందుకని మరణిస్తున్నారు?
ఎందుకని ప్రతి ఒక్కరు మర్తులుగా (మరణించేవారిగా) ఉన్నారు?
మరణం తరువాత ఏం జరుగుతుంది? మరొక జీవితం ఉందా?
మరణం ఉందంటే దాని అపోజిట్ అయిన నిత్యజీవము కూడా ఉన్నట్లే. ఉంటే ఆ నిత్యజీవము లోనికి ఎలా ప్రవేశించగలం?
ఈ మరణాన్ని దేవుని తీర్పును ఎలా తప్పించుకోగలం?
మనుష్యులందరు స్వాభావికముగా ఒకే నైతికనియమావళి లేనివారైనను ఎందుకని తమకు తామే నైతిక నియమావళిని కలిగినట్టున్నారు?
మనుష్యులందరు ఒకే నైతిక నియమావళి తమ హృదయముల యందు వ్రాయబడియున్నట్లు ఎలా చూపగలుగుతున్నారు?
మనుష్యులందరిలో మనస్సాక్షి ఉండడానికి కారణమేంటి?
ఎందుకని చెడు ఈ లోకములో ఉంది. చెడువలన నాకు జరిగిన నష్టమేమిటి?
చెడును బట్టి కలుషితమైన ఈ లోకములో చెడును బట్టి పాడైన మనలను మనం పవిత్రులుగా చేసుకోగలమా?
మన చుట్టూ ఉన్న ప్రతి దాని అస్థిత్వము ఎందుకని టెంపరరిగా ఉంది?
మనలోవున్న మనఃసాక్షిని బట్టి అంతిమ తీర్పు ఉందని అర్ధంఔతుంది. దానిని తప్పించుకొనే మార్గాన్ని అన్వేషించే క్రమములో దేవుని ఉనికిని గుర్తించటం చాలా ప్రాముఖ్యం. ఆయన ఎవరనేది తెలుసుకోవటం చాలా చాలా ప్రాముఖ్యం. మరి ఆ దేవుని కొరకు యెక్కడని వెదుకుదాం?
మనకున్న ఆప్షన్స్ ఏమిటి? ఈ ప్రశ్నలు మనల్ని దేవుని ఉనికి గురించి ఆలోచించేలా చేస్తాయి.

ఆప్షన్స్ ఏవి లేవండి. మన చుట్టూ ఉన్నది సృష్టి మాత్రమే. అయితే ఈ సృష్టి దేవుని ఉనికిని గురించి ఏమన్న చెప్తుందా?

మొదటిగా, మన చుట్టూ ఉన్న సృష్టిని పరిశీలిద్దాం. విశ్వం అద్భుతమైన క్రమం, నియమం, గణిత సౌందర్యంతో నిండి ఉంది. గ్రహాలు, నక్షత్రాలు, ప్రకృతి నియమాలు, జీవుల నిర్మాణం—ఇవి అన్నీ యాదృచ్ఛికంగా ఏర్పడ్డాయా, లేక వీటి వెనుక ఒక రూపకర్త ఉన్నాడా? అనే ప్రశ్న సహజంగానే వస్తుంది. ఒకరి ప్రమేయము లేకుండగానే ఇదంతా ఆక్సిడెంటల్గా జరిగిందంటారా?

ఒకసారి ఆస్తికుడైన ఒక శాస్త్రవేత్త తన ప్రయోగశాలలో సౌరమండలం యొక్క నమూనాను తాయారుచేసి existence of electromagnetic radiation అనే సిధ్ధాంత ప్రాతిపాదికగా ప్రయోగాలు చేస్తూ ఉండగా నాస్తికుడైన మరొక శాస్త్రవేత్త అక్కడికి రావడం జరిగింది. నాస్తికుడైన ఆ శాస్త్రవేత్త ఆ సౌర మండలము యొక్క నమూనాను చూసి ఇది అద్భుతం దీనిని ఎవరు చేసారని అడిగాడు. దానికి ఆస్తికుడైన శాస్త్రవేత్త నేను ఈ ప్రయోగశాలలో మరొక రూంలో ఉండగా ఒక పెద్ద శబ్ధాన్ని విన్నాను. అది ఏమిటో చూద్దామని ఈ రూంలోకి వచ్చేసరికి ఇది ఇక్కడ ఉంది అని జవాబు చెప్పాడు. దానికి నాస్తికుడైన శాస్త్రవేత్త అదెలా సాధ్యం? దీనిని ఒకరు రూపించకపోతే ఇది సాధ్యం కాదు అని అన్నాడు. నిజమే, ఒకరు రూపించనిదే ఈ సృష్టి ఉనికి లోనికి రాలేదనే విషయాన్ని ఈ సృష్టి గుర్తుచేస్తు ఉంది.

ఒక ఇల్లు కనిపిస్తే దానికి ఒక నిర్మాణకర్త ఉన్నాడని మనం అంగీకరిస్తాం. ఒక యంత్రం కనిపిస్తే దానికి ఒక రూపకర్త ఉన్నాడని భావిస్తాం. అదే విధంగా, ఈ విశ్వం కూడా ఒక సృష్టికర్తను సూచిస్తుందని అనేకమంది విశ్వాసులు వాదిస్తారు. బైబిలు కూడా “ప్రతి యిల్లు ఎవడైన ఒకని చేత కట్టబడును; సమస్తమును కట్టినవాడు దేవుడే” (హెబ్రీయులకు 3:4) అని చెబుతుంది.

ఈ అనంత విశ్వము ఆక్సిడెంటల్గా జరుగలేదని, ఈ సృష్టికి ఒక ఫౌండర్, ఎస్టాబ్లిషర్, బిల్డర్, మేకర్ ఉన్నాడని, ఈ సృష్టి తనకుతానుగా ఉనికి లోనికి రాలేదని “singularity” అనేదే లేదని దీని వెనుక ఒక సృష్ఠికర్త ఉన్నాడని, దీని devolopmentని దీని conditionsని నిర్ణయించిన వాడు దేవుడేనని ఇందులో వాడినవన్నీ దేవునివేనని ఆయన అన్నింటి సృష్టికర్త కాబట్టి ఆయన అన్నింటిపైగా ఉన్నవాడని ఆయనను గురించి తెలియజేస్తున్నాయి.

మనుష్యులముగా మనం ఆ సృష్టికర్తకు సృష్టికి మధ్యన ఉన్న సంబంధాన్ని అర్ధం చేసుకోవడంలో ఇబ్బంది పడతామని తెలిసే దేవుడు తాను సృజించిన సృష్టిలో ఆసాంతము తన ఉనికిని ఉంచి అది దానిని బహిర్గతపరుస్తూ ఉండేటట్లు ఆయన తన సృష్టిని సృష్టించాడు.

ఈ విషయాన్ని గురించి బైబులు మాట్లాడుతూ కీర్తన 19:1-4 వచనాలలో, ఆకాశములు దేవుని మహిమను వివరించుచున్నవి. అంతరిక్షము ఆయన చేతిపనిని ప్రచురపరచుచున్నది. పగటికి పగలు బోధ చేయుచున్నది. రాత్రికి రాత్రి జ్ఞానము తెలుపుచున్నది. వాటికి భాషలేదు మాటలులేవు వాటి స్వరము వినబడదు. వాటి కొలనూలు భూమియందంతట వ్యాపించియున్నది. లోకదిగంతముల వరకు వాటి ప్రకటనలు బయలు వెళ్లుచున్నవి అని చెప్తూవుంది.

సృష్టిలో ఆయనను వెల్లడిచేసే సాక్ష్యులుగా ఉన్నవి ఏయే విషయాలను చెప్తూ ఉన్నాయో చూధ్ధాం: ఆకాశములు దేవుని మహిమను వివరించుచున్నవి అంటే ఆకాశములు స్పష్టంగా, దృఢంగా, బహిరంగంగా, అధికారికంగా అందరికి దేవుని మహిమను గురించి, వాటి సృష్టికర్త యొక్క గొప్పతనాన్ని గురించి వెల్లడిస్తూ ఉన్నాయని అర్ధం. అంతరిక్షము ఆయన చేతిపనిని ప్రచురపరచుచున్నది అంటే ప్రతిరోజూ అంతరిక్షము తాను ఎలా అద్భుతఃకరమైన రీతిలో క్రమపద్ధతిలో వ్యవస్థికరించబడి ఉందో మరియు అంతరిక్షములో ఉన్న వాటి ప్రాపర్టీస్, ఫీచర్స్, అండ్ డ్యూటీ’sని నిత్యుడు, జీవాధిపతి, సర్వశక్తిమంతునిచే ఏవిధముగా నిర్వహిస్తూ ఉందో తెలియజేస్తూవుంది. అంతరిక్షము తన సృష్టికర్త యొక్క గుణలక్షణాలను గురించి ప్రతిరోజు తెలియజేస్తూ ఆ సృష్టికర్త యొక్క చేతిపనులను పబ్లిష్ చేస్తూ ఉన్నదని అర్ధం. పగటికి పగలు బోధచేయుచున్నది అంటే ఎన్నటికి ఆగిపోని ఒక స్థిరమైన ప్రవాహము వలె పగలు మనలను ఎడ్యుకేట్ చేస్తూ, ఇన్ స్ట్రక్షన్స్ ఇస్తూ, ఇల్లుమినేట్ చేస్తూ, దేవుని విషయములో పాఠాలు నేర్పిస్తూ ఉన్నదని అర్ధం. రాత్రికి రాత్రి జ్ఞానము తెలుపుచున్నది అను మాటలకు దేవుడు తనను గురించి తాను బయలుపరచిన విషయాలను మరియు ఇంతకు ముందు రహస్యముగా ఉన్న విషయాలను రాత్రి బహిర్గతము చేస్తూ ఉందని అర్ధం. ప్రతి రాత్రి నిశ్శబ్ద కదలికల ద్వారా భగవంతుని గొప్పతనాన్ని మరియు మహిమను గురించి మనిషికి అనేక పాఠాలు తెలుపుతూ ఉంది. దేవుని జ్ఞానం, శక్తి మరియు మంచితనం గురించి ప్రతి రోజు అది దాని స్వంత పాఠాన్ని కలిగి ఉంది. ఆ విధంగా గొప్ప సృష్టికర్త యొక్క జ్ఞానం మరియు శక్తికి శాశ్వతమైన సాక్ష్యం ఉంది. వాటికి భాష లేదు మాటలు లేవు వాటి స్వరము వినబడదు. వాటి కొలనూలు భూమియందంతట వ్యాపించియున్నది లోకదిగంతముల వరకు వాటి ప్రకటనలు బయలువెళ్లుచున్నవి అను మాటలకు, దేవునిచే సృష్టించబడి నిర్వహించబడుతున్న ఈ సృష్టి దాని సృష్టికర్త యొక్క శక్తి, జ్ఞానానికి నిశ్శబ్ద సాక్ష్యాన్ని ఇస్తూ ఉందని అర్ధం. నక్షత్రాల గంభీరత వాటి క్రమబద్ధత వాటి సృష్టికర్త యొక్క మహిమను తిరస్కరించే వారందరిని మరియు సృష్టికర్తకు బదులుగా సృష్టికి ప్రాధాన్యతనిచ్చే వారందరిని నిశ్శబ్దంగా మందలిస్తూ మౌనంగా ఖండిస్తు ఉండటమే కాకుండా ఏ ఒక్కరు దేవుని గురించి నాకేమి తెలియదు అని సాకులు చెప్పి తప్పించుకొనే అవకాశము ఎవ్వరికి ఇవ్వటం లేదు. ఆయన దైవికమైన ఉనికిని తిరస్కరించే వారికి ఎలాంటి కారణము లేదు అని తెలియజేస్తున్నాయి. భగవంతుని ఉనికికి విశ్వమే మొదటి రుజువు. ఆయన సృజించిన వాటిని బట్టి దేవుడున్నాడని మనం ఒప్పుకొని తీరవలసి ఉన్నాం. సృష్టికి మనలా భాష లేదు అవి ఎవరితో మాట్లాడలేవు, కాని అవి దేవుని గొప్పతనాన్ని మరియు మహిమను ప్రకటిస్తున్నాయి. గొప్ప సృష్టికర్త యొక్క పరిపూర్ణతలను ప్రకటించడం ద్వారా అందరూ వాటి భాషను అర్థం చేసుకోగలరు. అవి వ్యక్తిగతముగా భాషతో తమ సృష్టికర్తను గురించి వ్యక్తపరచవలసిన అవసరం లేదు.

దేవుడు సృజించిన వాటిని బట్టి దేవుడనే వాడు ఒకడున్నాడని అర్ధమవుతుంది. అంతేనా, దేవుని ఉనికికి ఇంకా ఏవన్నా సాక్ష్యాలు ఉన్నాయా అని మనం ఆలోచిస్తే, ఇంకా చాలా సాక్ష్యాలు ఉన్నాయి. పకృతిలో గాని మానవ చరిత్రలోగాని ఆ దేవుని కంటిన్యూస్ ఆపరేషన్స్ దేవుని ఉనికిని గురించి సాక్ష్యమిస్తున్నాయి.

ఉదాహరణకు, దేవుని మంచితనానికి నిదర్శనాలలో వర్షం ఒకటి. సరైన సమయములో సరైన పరిమాణంలో వర్షం కురవకుండా నియంత్రించబడితే, భూమి నిర్జనమై పోతుంది. జీవము అంతరించి పోతుంది. వర్షం పడడం అనేది మనం గుర్తించలేని సూత్రాల ద్వారా నియంత్రించబడుతుంది. మరి ఈ వర్షాల వెనుకవున్న దేవుని మంచితనము శ్రద్ధ జ్ఞానము ఆయన కంటిన్యూస్ ఆపరేషన్స్ ఆయన ఉనికిని తెలియజేయటం లేదంటారా?

ఫలవంతమైన రుతువులు దేవుని మంచితనానికి అద్భుతమైన రుజువులు. సహేతుకంగా ప్రతి ఒక్కరికి ఆహారం ఇవ్వడం ద్వారా ఆనందం కలుగజేయడం దేవుని ఉద్దేశ్యం. ఇవి దేవుని దయగల ఏర్పాటును తెలియజేస్తూ, దేవుని ఎకానమీని, సమృద్ధిని రుజువు చేస్తూ, ఆయన మంచితనాన్ని గురించి చెప్పటం లేదా? ఇలా చెప్పుకొంటూ పోతే ఎన్నో ఎన్నో రుజువులు ఉన్నాయి. కాబట్టే బైబుల్లో అపొస్తలుల కార్యములు 14:15-17వచనాలల్లో ఆయన ఆకాశమునుండి మీకు వర్షమును ఫలవంతములైన రుతువులను దయచేయుచు ఆహారము అనుగ్రహించుచు ఉల్లాసముతో మీ హృదయములను నింపుచు, మేలు చేయుట చేత తన్ను గూర్చి సాక్ష్యము లేకుండ చేయలేదని చెప్పబడింది.

మనుష్యుల హృదయాలలో వ్రాయబడియున్న దైవికమైన చట్టం దేవుని ఉనికికి మరొక సాక్ష్యం. ఈ చట్టాన్ని బట్టే దేవుని తీర్పును గురించి మనం ఎరిగి ఉన్నాం. ఇది the moral proof of God’s existenceని గురించి చెప్తూ ఉంది.

మనుష్యులందరు స్వాభావికముగా ఒకే నైతిక నియమావళి లేనివారైనను ఎందుకని తమకుతామే నైతిక నియమావళిని కలిగినట్టున్నారు? అనే ప్రశ్నకు, “స్వభావరీత్యా” ప్రతి ఒక్కరి హృదయంలో దేవుని సహజ ధర్మశాస్త్రము వ్రాయబడింది. కాబట్టే దేవుని ధర్మశాస్త్రములోని ఆజ్ఞలన్నీ కులమతాలకు అతీతముగా అందరూ ఎరిగియున్నారు. అందుకనే, దేవుని ధర్మశాస్త్రము అడుగుతున్న వాటినన్నిటిని ప్రతి ఒక్కరు దేవుడు మనకు ఇచ్చియున్న సహజ జ్ఞానాన్ని బట్టి ఫాలో అవుతున్నారు. దేవుడు మనకిచ్చిన సహజ జ్ఞానం దేవుడు మనలో ఉంచిన నైతిక నియమావళికి పునాదిగా ఉంది.

ఈ నైతిక అవగాహనకు మూలం ఏమిటి? అనే ప్రశ్నకు క్రైస్తవ విశ్వాసం దేవుడు మన హృదయాలలో తన ధర్మశాస్త్రపు ముద్రను ఉంచాడని సమాధానం ఇస్తుంది (రోమా 2:14-15).

దేవుని నైతిక నియమావళిని పాటించేందుకు అవసరమైన సహజమైన ప్రేరణను కలిగి ఉండేందుకు ప్రతి ఒక్కరిలో దేవుడు ఉంచిన మనస్సాక్షిని బట్టి ప్రతి ఒక్కరు “తమకు తామే ధర్మశాస్త్రమైనట్టున్నారు“. దేవుని ధర్మశాస్త్రము ప్రతి ఒక్కరి హృదయాలపై వ్రాయబడింది అని చెప్పటానికి సాక్ష్యం ప్రతి ఒక్కరిలో ఉన్న మనఃసాక్షియే. ప్రతి ఒక్కరిలో ఉన్న మనస్సాక్షి కొన్ని సహజ ప్రవర్తనా నియమాలను పాటిస్తూ కొన్ని విషయాలలో కొన్నింటిని చెయ్యమని, మరికొన్నింటిని చెయ్యొద్దని చెప్తూ ఉంటుంది. ఒకడు దేవుని ధర్మశాస్త్రానికి విరోధముగా వెళ్తున్నప్పుడు వానిలో ఉంచబడియున్న మనఃసాక్షి ఒక స్వరము వలె వానిని నిందిస్తుంది. దాని అర్ధం వాడు దేవుని ఎదుట దోషిగా ఉన్నాడని, తెలిసి ఉద్దేశ్యపూర్వకంగా దేవుణ్ణి ధిక్కరించాడని తద్వారా దేవుని శిక్షావిధిని ఎదుర్కోవలసి ఉన్నాడని చెప్పడమే దాని ఉద్దేశ్యం.

ఈ విషయాలనే బైబులు చెప్తూ, ధర్మశాస్త్రములేని అన్యజనులు స్వాభావికముగా ధర్మశాస్త్రసంబంధమైన క్రియలను చేసిన యెడల వారు ధర్మశాస్త్రములేని వారైనను, తమకుతామే ధర్మశాస్త్రమైనట్టున్నారు. అట్టివారి మనస్సాక్షి కూడ సాక్ష్యమిచ్చుచుండగను, వారి తలంపులు ఒకదానిమీద ఒకటి తప్పు మోపుచు లేక తప్పు లేదని చెప్పుచుండగను, ధర్మశాస్త్రసారము తమ హృదయముల యందు వ్రాయబడినట్టు చూపుచున్నారు అని రోమా 2:14,15 లో చెప్తూవుంది.

దేవుడు సృజించినవి, పకృతిలోగాని మానవ చరిత్రలోగాని ఆ దేవుని కంటిన్యూస్ ఆపరేషన్స్, మనుష్యుల హృదయాలలో వ్రాయబడిన దైవికమైన చట్టం దేవుని ఉనికిని నిర్ధారిస్తున్నాయి. మనుష్యులమైన మనకు దేవునిని గురించి ఏదన్నా తెలిసింది అంటే దేవుడే తన గురించి తానే స్వయముగా తెలియజేస్తే తప్ప మానవుడు దేవునిని గురించి ఎప్పటికి తెలుసుకోలేడు. దేవునిని గురించి తెలుసుకునేలా దేవుని ద్వారా మనకు ఇవ్వబడిన సహజ జ్ఞానము ద్వారా దేవుడనే వాడు ఒకడున్నాడని మనకు అర్ధం అవుతూ ఉంది.

మనుష్యుని చుట్టూ ఆవరించి ఉన్న ఈ సృష్టి తన సృష్టికర్తను గురించి స్పష్టముగా తెలియజేస్తూ ఉండగా దేవుడు లేడని చెప్పడం బుద్ధిహీనతే అవుతుంది. కొందరు ఈ సృష్టికి సృష్టికర్త ఎవరు లేరని ఈ అనంత విశ్వములో ప్రతిది మనతో సహా ఒకరి ప్రమేయము లేకుండగానే ఆక్సిడెంటల్గా ఉనికి లోనికి వచ్చిందేనని చెప్తున్నారు. శాస్త్రవేత్తలేమో దేవుని ఉనికిని prove చెయ్యడానికిగాని disprove చెయ్యడానికిగాని ప్రయత్నించరు, ఎందుకంటే దేవుణ్ణి గుర్తించగల ప్రయోగం ఏదీలేదని వారికి తెలుసు. బైబులు కూడా “దేవుడులేడని బుద్ధిహీనుడు మాత్రమే తన హృదయములో అనుకొనును” అని కీర్తన 14:1 లో తెలియజేస్తూ ఉంది. దేవుడు లేడని చెప్పేవాడు వక్రబుద్ధిని చూపిస్తూ తెలిసి తెలిసి దేవుని మోరల్ రూల్ ని తిరస్కరిస్తున్నాడు. అందుకు అతని అజ్ఞానం లేదా వీక్నెస్ అఫ్ రీజన్ కారణం కాదు. వాడు తన పాప స్వభావాన్ని బట్టి కఠినచిత్తుడై, తన అనైతిక జీవితాన్ని అతడు ఎంతో ఇష్టపడుతు ఉండుటను బట్టి ఆ విషయములో తనను ఎవ్వరు తీర్పు తీర్చకూడదని తాను ఎవ్వరికి లెక్క చెప్పాల్సిన పనిలేదని అనుకొంటూ తనపై న్యాయాధిపతిగాని అధికారిగాని ఎవడులేడని తన వ్యవహారాలపై తీర్పులేదని తననుతాను సంతోషపరచుకొనే క్రమములో సంతృప్తిపరచుకొనే క్రమములో దేవుడులేడని బుద్ధిహీనుడు చెప్తాడని బైబులు చెప్తుంది.

అయితే, ఈ సాక్ష్యాలన్నీ దేవుడు ఉన్నాడని గణిత సూత్రంలా నిరూపించవు. అవి దేవుని ఉనికి వైపు చూపించే సూచనలుగా మాత్రమే పనిచేస్తాయి. శాస్త్రం ప్రకృతి ప్రక్రియలను పరిశీలిస్తుంది; దేవుడు ఉన్నాడా లేదా అనే ప్రశ్న మాత్రం తత్వశాస్త్రం, విశ్వాసం, చరిత్ర, మరియు వ్యక్తిగత పరిశీలనలకు సంబంధించినది.

క్రైస్తవ దృక్కోణం ప్రకారం, సృష్టి, ప్రకృతి, మనస్సాక్షి దేవుడు ఉన్నాడని సూచిస్తాయి. అయితే దేవుడు ఎవరు, ఆయన స్వభావం ఏమిటి, మనిషికి ఆయన ఉద్దేశ్యం ఏమిటి అనే విషయాలను పూర్తిగా తెలుసుకోవడానికి దేవుడు తన వాక్యమైన బైబిలు ద్వారా తనను తాను బయలుపరచుకున్నాడు.

అందువల్ల, “దేవుడు ఉన్నాడా?” అనే ప్రశ్నకు సమాధానం కేవలం శాస్త్రీయ డేటాలోనే కాదు; మనం విశ్వాన్ని, మనస్సాక్షిని, జీవితం యొక్క అర్థాన్ని ఎలా అర్థం చేసుకుంటామనే దానిలో కూడా ఉంది. సృష్టి దేవుని ఉనికిని సూచిస్తుంది; కానీ ఆయన ఎవరో తెలుసుకోవడానికి మరింత లోతైన పరిశీలన అవసరం.

ఇప్పుడు చెప్పండి దేవుడనేవాడు ఉన్నాడంటారా, లేడంటారా? దేవుడు లేడని నమ్మేవాడికి ఎన్నిరుజువులు చూపినా దేవుడనే వాడు ఉన్నాడని వాడు నమ్మడు. అలాగే దేవుడు ఉన్నాడని నమ్మేవాడికి దేవుడు ఉన్నాడు అనేందుకు ఎలాంటి రుజువులు అక్కర్లేదు. మరి ఇప్పుడు దేవుడున్నాడని మీరు కాన్ఫిడెంట్గా చెప్పగలరా? మరి ఈ సృష్టి దేవునిని గురించి చెప్తుందే తప్ప ఆయన పేరును చెప్పటం లేదే? మరి ఆ దేవుడెవరో ఆయన పేరేమిటో తెలుసుకోవడం ఎలా? తరువాతి ఆర్టికల్ లో చూడండి.

దేవుని వాక్యాన్ని దాని స్వచ్చతలో అందరికి (అన్ని భాషలలో ప్రపంచమంతటికి) అందించాలనే ఉద్దేశ్యంలో చేస్తున్న ఈ చిన్న ప్రయత్నంలో భాగస్వాములు కండి, చేయూతనివ్వండి. ఇది శ్రమతో ఖర్చుతో కూడుకొన్నది కాబట్టి నా ఈ పరిచర్యను గురించి ప్రార్ధించండి, దేవుడు మిమ్మును దీవించును గాక – రెవ. కూరపాటి విజయ్ కుమార్. ఫోన్ పే యూపీఐ ఐడి – 9848365150-2@ybl

KURAPATI VIJAY KUMAR,
HDFC BANK, Account no 50200096563465,
IFSC code. HDFC0005872,
Swift code HDFCINBB,
JKC College Road Branch, GUNTUR 522006,
ANDHRA PRADESH, INDIA.
The phone pay UPI Id : 9848365150-2@ybl